onsdag 6. februar 2013

Den kjære, gode mora mi fyller nitti år i dag

Vi har feira henne så godt det let seg gjere når forma ikkje er på topp. I november var ho så uheldig å bryte lårhalsen, ei veke seinare måtte ho gjennom ein ny stor operasjon grunna hol i tolvfingertarmen. Sidan då har ho vore skral, matlysta er heilt fråverande, og ho har vorte slapp og svak. Men ho er oppe ei stund dei fleste dagane, og i dag orka ho å vere saman med born, svigerborn pluss tre svigerinner og delta i middagen vi hadde til ære for henne.

90-årsdag 010

Ho ville tilbake til senga før vi fekk tid til å drikke kaffi, men eg var innom og sa hadet før eg for heim, og då sa ho at ho var godt fornøgd med dagen sin.

90-årsdag 008

90-årsdag 009

90-årsdag 011

Mange ville gratulere henne med dagen, ho har fått eit hav av fine blomar og andre gåver, det er tydelegvis stas for mange at ho har nådd ein så høg alder:)

90-årsdag 047     90-årsdag 046    90-årsdag 044

90-årsdag 041    90-årsdag 050    90-årsdag 038

Mor er tvilling, desverre fekk ho ikkje behalde tvillingsystra si heile livet, ho døydde for åtte månader sidan. Dette er vanskeleg for mor å ta inn over seg, derfor spør ho etter henne nesten kvar gong eg er på besøk.

90-årsdag 045

For to år sidan var mor og eg innom til tante Janny på fødselsdagen deira, det var eigentleg siste gongen dei kunne sitje ved sidan av kvarandre og snakke om alt dei har hatt av felles opplevingar gjennom eit langt liv.

Tvillingsjal 017_thumb[1]

90-årsdag 057     90-årsdag 058

søndag 3. februar 2013

Verdt å fikse

Eg har strikka fleire par lestar etter ei finsk oppskrift: Kerrtu. Fine, synest eg, og ein del arbeid, i alle fall når ein strikkar med tynn tråd og tynne pinnar.

Til eitt par hadde eg ein bunt med Regia strømpegarn, det visste eg vart litt for lite, derfor starta eg med ein kant i svart alpakka til dei elles brune lestane. Det vart fint, til lestane fekk seg ein tur i vaskemaskina – inni tightsen min….

Alpakka tovar veldig bra på 40 grader, så godt at det vart umuleg å få på seg lestane same kor mykje eg strekte og tøygde i dei medan dei framleis var våte.

Lestane vart liggande på vent lenge, dei var altfor gode til å kaste, men reparasjonsarbeid er ikkje det kjekkaste eg veit, eg utsette og utsette å begynne på dei.

Heilt til eg tilfeldigvis fann dei i strikkekorga mi i dag, rett etter at eg hadde avslutta eit nytt lestepar til storeguten min som har fødselsdag komande laurdag.IMG_8735

Fram med saksa og klippe vekk den vel-tova kanten, så var det å plukke opp maskane og like godt strikke ny kant av den trådresten eg hadde i hendene.

IMG_8736

Lestane vart heilt greie, dei, eg trur eg kjem til å bruke dei lenge:)

IMG_8733