I dag har vi feira Luca,

den fyrste av barneborna våre som er konfirmant:)

Konfirmanten og foreldra


 
Konfirmanten og oldemødrene



Konfirmanten og besteforeldra



Ein flott kar og ein kjekk gut som Besta er kjempekry av:)
Gratulerer med dagen, Luca, og takk for eit fint selskap!

Våren–jada:)

Same kor mykje nordavind, og sjølv om hagl og snø kjem dettande ned frå skyene, så sprett våren fram.



Det ligg så mykje livskraft og sprengjer på at vårteikna dukkar opp i år som i fjor:)



Frå sykkelsetet, på veg til og frå jobb, har eg sett både kusymrene og ein og annan kvitveis, så no var det på tide å ta seg ei runde med fotoapparatet og forevige desse skjønne skapningane.
Blåveisen veks ikkje fritt her på vår kant av landet, men dei er ikkje så verst dei plantene som trivest her heller:)

Sykling og slikt

Når ein snart fyller seks år er det nesten forventa at ein skal kunne sykle på tohjulssykkel.
Men ikkje alle er like interessert i sykling – og ikkje alle kjenner seg trygge på at dei klarer å halde balansen når beina er plasserte på sykkeltrødene.

Marylin har vore heilt fornøgd med å ha på støttehjula på den vesle sykkelen sin, som ho har hatt sidan påska i 2009.

Men når det kjem kommentarar frå dei andre ungane i gata, så må berre støttehjula av, og mamma til Marylin hadde ei viss forventning om at når berre besteforeldra kom på påskebesøk så skulle det bli ei ordning med å lære å sykle – “på orntli”.

Klart det, med to pedagogar på oppdraget så måtte det bli sving på sakene! Passe helling fann vi rett utanfor huset, og jenta var både samarbeids- og lærevillig:)

Fyrst lære å halde balansen

Så auke farta

og øve meir

-og vips, så er jenta syklist!

Michael fann seg godt til rette med bestefar som “motor”

og berre kosa seg i solskinet:)

Kosa oss gjorde vi også på Oslobesøk hos born og borneborn, her er forresten Michael i mariusen som eg strikka til han i vinter:

Påskeferie

Deilig med nokre fridagar, og herleg med dei lyse, lette fargane som inntek huset når vi pyntar til høgtida – så får berre snøen lave ned utanfor…..

Eg trur vi har meir påskepynt enn julepynt, utruleg alt ungane har hatt med heim gjennom åra!

Litt har eg laga sjølv også

Og nokre ting har eg fått av andre

Litt har vi kjøpt

Og det meste er i gult og pastell:)

God påske!