Huer på gong

For tida produserer eg huer, dei fleste strikkar eg, men det er også kjekt å pjone.

Det starta med Pixiehuer til Michael, den blå strikka i Falk, dei andre i Drops merino extra fine og Drops merino cotton. Oppskrifta fann eg på denne bloggen:http://stinessdesign.blogg.no

Så var det Mikkehue til mannen min

Og til meg sjølv

Her er det Mateo som har stilt opp som fotomodell:) Oppskrifta til desse huene er det Tovepia som står for: tovepia.blogspot.com

Så kom ol-perioden med pjoning: huer til Oliver og Mateo

Så måtte eg lage ei som skulle matche grønegensaren til Marylin

- og ei rosa, som eg ikkje har nok tråd til

Grunnkurs i pjoning fann eg på youtube (søk på Pjonica). Eg brukar heklekrok nr7, og då passar det å legge opp 70 luftmaskar nede på hua.

Så har eg strikka fleire Mikkehuer, og gutane stiller villeg som modellar

Og sjølvsagt har eg ei på pinnane

Og tråd til enda ei, men så må eg vel begynne å strikke lestar igjen:)

Førtiårsfeiring og hyttehelg

Denne helga har vi vore saman med dei tre eldste borna og deira kjærestar,
samt nokre av barneborna,  i lånt hytte.

Eldstejenta vår fyller førti år i dag, og det skulle feirast:)

- Skitur

- kos og avslapping

- kokkelering

- med vakkert - og godt resultat:)

- og fellesskap og god stemning som hovudingrediensar:)

Takk for ei fin helg, og gratulerer med dagen, kjære Tove!

(Og takk for lånet av hytta, snille svoger og svigerinne:))

Og i dag: Turparadis:)

Eg er så heldig at eg vart invitert med på tur av Oliver i dag.

Vegen til turmålet startar rett utanfor gangdøra mi, han går gjennom lerkeskog og furuskog i skjønn foreining, over klopper og bruer:

Sjølve vegen er ei oppdagingsferd åleine, eit par karar i bygda har lagt ned uendeleg mange arbeidstimar for å gjere turen til ei triveleg oppleving. Det som gjer turen så spesiell er at desse karane er ekstra kreative, så når stien låg der ferdig rydda og godt skilta, og massevis av sitjeplassar var ferdige langs heile stien, så begynte dei å "hjelpe" naturen med å lage troll og underjordiske figurar som er spanande å sjå på:)

Dei har også plassert ut små overraskingar i tre og i holrom langs med stien:)

Ingen tvil om at Oliver og eg kosa oss i dag, 

og sjøl om eg har hatt innlegg om Uglasætra her på bloggen før, så er det grunn til å skrive om denne turopplevinga på nytt:)

Eg har vore i quilteparadis

Ja, ikkje berre quilte-, men også applikasjonsparadis:)

Ei vennine som eg besøkjer altfor sjeldan er heilt hekta på hobbien sin, og når eg ser alt det nydelege ho lagar, så kan eg godt forstå denne avhengigheita. 

Ho lagar veggbilete, vognteppe og bordløparar.

Her er litt av det ho lagar:

Og sjå på dei flotte handbroderte detaljane :

Ho må definitivt lage seg sin eigen blogg og få vist fram dei vakre produkta sine!

Strikk til dei minste

I løpet av hausten og vinteren vart det strikka litt til Oslobarneborna mine, eg starta med ein rosa gensar til Marylin, men forstod etter kvart at ho er ferdig med rosaperioden og har andre yndlingsfargar no.

Så etter at grå og brun gensar med stripet bukse til Michael var ferdig, gjekk eg i gong med favorittfargane hennar i ein gensar som er delvis inspirert av Venneby  og litt av "foxemanien" vi hadde i haust:

Dette var raskt og greitt strikkeri, så då måtte Michael også få noko i "Venneby- likestil":

Av restetråden vart det ei Pixiehue:)

Eg leikar meg

Med Pic Wall Plus-appen kan eg ta bilete med i-paden, plassere dei på ein bakgrunn og skrive tekst til, kanskje ikkje så nyttig her og no, men i undervisningssamanheng veldig interessant - og  kjekt å prøve ut:)

Valentin

Tenk, i dag har eg fått to valentinsgåver:

Fyrst fekk eg eit hjertebokmerke med Oliver:)

Det skal festast på hjørnet på den sida eg held på å lese, slik:

Dette er forresten den nyaste bloggeårboka, frå 2013, så no har eg fem årgangar:)

Så, når eg kom heim, vart eg møtt av mannen min med ein bukett raude roser:)

Romantikken lever enno:))

God valentinsdag!