Juni

-->

Kva skjedde i juni?

Mor fekk besøk av broren sin, Kåre. Han er yngst i flokken  og einaste bror til seks systre. Kåre tok turen til Sunnmøre saman med kona,  Kari.

Dei hadde vore på nordover, inn i Sverige på hyttebesøk hos familien hennar før dei kom hit.

Det vart siste gong mor møtte nokon av syskena sine.

Den 12. juni fylte Marylin 9 år. Ho hadde felles feiring med ei venninne, med alle jentene i klassa inviterte til kongelig fest. Eg har ikkje fått bilete frå den festen.

Oliver feira 10-årsdagen sin den 21.juni med selskap heime i godt ver, så dei fleste gjestane hadde mest lyst tiil å vere ute på terassen.

Innspurten på skulen før ein kan ta ferie er alltid hektisk, derfor har eg lite å melde frå denne perioden, eg strikka vel saktens litt, men elles gjekk dagane med til skulearbeidvog sykkeltur med klassa, med innlagt kos i fjøresteinane. Det er ei veldig kjekk klasse å ha ansvar for.

Når ferien endeleg var eit faktum, kom M og M frå Oslo, det begynner å verte ein koselig tradisjon at vi får ei veke i lag med dei, utan at mammaen er med. I år reiste dei med fly åleine, det var ei spanande oppleving som gjekk like fint som ein kunne forvente.

Den veka gjekk veldig fort, vi kosa oss saman med Sienna, Mateo og Oliver, og med Oskar.

Huset til Oskar og foreldra har no teke form, og for tida er mest inne det blir jobba for å få det ferdig.

Eg fyller år den siste dagen i juni, og i år hadde eg skikkeleg hjelp med kakepyntinga.

Minstejenta vår, som hadde vore i Australia eit semester kom heim på jibbersdagen min, det var sjølvsagt ei kjekk gåve.

Mai

Mai starta som vanleg med bursdagen til Michael, men på sjølve dagen var han i Sverige, hos Maggan og Douglas, for akkurat då skulle Douglas feire sin 70 årsdag.

Vel heime i Oslo igjen hadde Michael likevel familieselskap (utan Besta) der Tone, Jenny si mamma, knipsa dette biletet av femåringen.

Besta måtte bake lefser i mai, både til konfirmasjonen til denne fine jenta,

og til dåpen til Oskar. Her er kortversjonen av bakeprosessen.

17. mai vart feira på tradisjonelt vis, vi fekk med oss mannskor-song på sjukeheimen saman med mor,

medan minstemora vår hadde ei annleis nasjonaldagsfeiring der ho var, i Brisbane.

Mot slutten av månaden var systra til mor, Solbjørg med son og svigerdatter, på besøk. Eg Var ikkje så veldig flink til å ta bilete av dei, det vart med dette

 Men den nydelege buketten mor fekk vart i alle fall foreviga.

I pinsa var det barnedåp: Oskar vart døypt i Åram kyrkje, med to tanter og to onklar som fadrar,

og så feira vi dagen heime hos mormor og morfar til Oskar,

dei hadde god plass til alle 25 gjestene.

Det var ein kjekk familiedag.

På 'an igjen

Etter å ha hatt heile gjengen heime sist helg innsåg eg at bloggen min er ikkje berre min. Når ei av jentene mine drog fram bloggebøkene frå tidlegare år og sat der og blada og smilte kjende eg at det er ikkje berre å gi opp denne tradisjonen, det må kome ei bok for dette året også, så no får eg brette opp ermane og begynne.
Det forrige innlegget mitt var skrive i mars! Mykje vatn har runne i havet sidan den tid, mange hendingar har fått passere utan kommentar, men eg får ta det viktigaste:

Det vart austlandspåske på oss i år, etter å ha tatt farvel med Marylin og Michael, som eg hadde passa ei vekes tid,

reiste vi til Frogn,  på hyttebesøk hos slekt og gode venner.

Blåveisen blomstra,

eg fekk ein symjetur i Oslofjorden

og vi kosa oss i solveggen i lag med tante Kari.

Grandtantebarnet mitt, Sienna var med oss, og ho og Helle fann på mykje kjekt i lag.

Elles gjekk april fredeleg for seg, vesle Luca

 har vorte store Luca,

han fylte 18 den 19. april.

Her er eldste og yngste barnebarn, Luca og Oskar i lag.

To super heroes i Besta sine auge.

Dette må då vere Strikkebesta sin største draum

Denne veka er eg Besta på heiltid. Godt å ha jobba inn timar som eg no kan avspasere med det beste samvit:)

Eg trudde eg hadde dagane for meg sjølv medan borneborna skulle vere på skule og i barnehage, men når det gjeld ungar skjer det gjerne uføresette ting.

Ikkje så dramatisk akkurat, men no er eg heime med sjukt barn på andre dagen. Forma er stigande og mammaen har vore smart og lurt unna kjekke ting i tilfelle det skulle trengast. 

Ein av dei kjekke tinga er ei strikkebok for nybegynnarar. Besta har skaffa tråd, og jenta er lærevillig, så før veka er omme har nok eit nytt kosedyr vorte til:)

Sjå berre kor ho har fått dreisen på strikkinga:)

Slik skal resultatet verte:

Oppskrifta er oversiktleg og grei, i alle fall for Besta, og det er no eit fellesprosjekt

Ute skin sola og vårblomane lyser

Havskum

Heilårssymjeklubben har fått namn: "Tausapinene", og eigen logo på klubbtrøyene som vi har fått, sponsa som vi vart av Hummel og Chess:) Her testar vi dei ut i desemberkulden.

Men når det er som kaldast, i oktober til april, treng vi også noko som varmar skolten og øyrene, og det måtte sjølvsagt verte noko i havskummønster. 

Eg prøvde ut forskjellig, 

men enda opp med ein enkel modell som held seg på plass å hovudet. 

Vi måtte sjølvsagt ha fine fargar på huene:

Viking superwash hadde bra fargeutval. Det skulle gå fort så dei vart strikka på tjukke pinnar med dobbel tråd.

Her heng dei ferdig strikka huene til tørk etter ein lett vask for å få betre form på dei før dei skulle takast i bruk.

Og her blir dei innvigde i herlege bølgjer  ein laurdag tidleg i februar:)

Strikking, ja

Ein gong i tida var det interessa for strikking som førte til at eg starta bloggen, og no er det jammen lenge sidan forrige strikkeinnlegg. Men strikkar gjer eg, jamt og trutt. Lestar for det meste, også i Afrika - og på reisa til og frå.

Stort sett går det i Kerrtu. Det mønsteret sit i fingrane, og lestane sit tett og godt å foten.
Det hender at eg strikkar eitt og anna par i vanleg to rette og to vrange som ei avveksling.
Og eg er like dårleg på å feste endar som eg alltid har vore så dei ligg no her berre....

Men litt meir avveksling har det sjølvsagt vore no når eg har fått eit nytt barnebarn:)

Foreldra ynskte køyredress, det var ikkje vanskeleg å finne oppskrifter på nettet og eg foreslo ein med Mariusmønster. Ja, det var greitt om eg strikka han lik gensaren som pappaen hadde fått tidlegare, det var ei forenkla utgåve med berre to fargar. Og slik vart det.

Der var att mykje tråd når dressen vsr ferdig så det vart hue

Lestar

Og vottar i tillegg

Her er far og son i likt antrekk:)

Og endå så var det igjen tråd slik at eg begynte på ein gensar str.6 mnd., men no ser eg at eg ikkje får nok, så enten må eg kjøpe eit nytt nøste i eit anna parti - og risikere fargeforskjel -eller så må eg inndra vottane når vinteren er slutt og rekkje dei opp slik at gensaren kan bli ferdig:)