søndag 19. april 2009

To fødselsdagsborn på same dag

I dag har vi to fødselsdagsborn i familien: Luca,
den eldste av borneborna fyller 12 år. Han er lidenskapeleg skatar for tida, så det han ønskjer seg i presang er pengar til nytt skateboard med truckar og hjul. Så skal eg steikje sveler, for det er favoritten hans.

I tillegg har ein svoger, mannen til veslesystra mi, stort jubiléum: 50 år.
Han har søkt tilflukt på hytta som ligg på den vakre øya han vaks opp på, Hatløya. Men vi har jo båt, og ein svipptur bortom med ei kake skal vi vel få til:)
Han må jo også få sin favoritt, "John-kaka" heiter ho i omgangskretsen vår, før kalla vi henne nøtterull eller banankake.

Det er ei rullekake med nøttebotn

piska krem, blanda med mosa banan, er fyllet vi smører på botnen før vi rullar han saman
Så er det berre å smøre eit tynt lag med krem på toppen
og raspe sjokolade opp på der igjen, greitt for meg som ikkje er så flink til å pynte kaker.


No kan eg melde om "Mission completed", kaka er levert og jubilanten fornøgd.


Vi nytta høvet til ein rusletur på øya for å ta inn våren der borte, vakkert og fredeleg!

Til lukke med dagen, John, kos deg saman med kjerring, born, borneborn og "svigerborn" på øya di!
















1 kommentar:

  1. Den kaka så god ut og kunne kanskje brukes som diakake om en bytter om sukkret kanskje.?

    SvarSlett