onsdag 7. juni 2017

Landingsvegring

Det er bra merkeleg kor vanskeleg det skal vere å gjennomføre den annonserte ufolandinga!
Strikkar gjer eg kvar dag, men det er så mange prosjekt som kjem i vegen for kofta eg har halde på med sidan august at det ser ut som eg aldri skal klare å "lande" den.

Eg måtte no berre få ferdig islendaren Riddari til mannen min før eg kunne leite fram att kofta, det var spanande å sjå kor tung denne gensaren vart, eg brukte uspunnen tråd, pløtulopi, som verka veldig svak medan eg strikka, men som skal ha bra slitestyrke i bruk.



I str. XL veg gensaren 330 g, og eigaren er godt fornøgd med både utsjånad og komfort.



Det er att mykje pløtulopi i strikkesakene mine enno, så for å redusere lageret litt meir la eg opp til ei kofte til meg sjølv. Denne gongen gjekk eg ned i pinnetjukkleik til 4, det var dumt av meg for sjølv om eg fylgde oppskrifta til punkt og prikke, og strikka i str L, så vart kofta akkurat passe stor til eldstejenta som eigentleg brukar str. S/M.



Kofta heitet Rydraud, eg synest mønsteret er vakkert, så eg kjem nok til å strikke ei ny til meg sjølv ein gong.



Det har på underleg vis komt meir islandsk tråd i hus, lettlopi denne gongen, og eg fekk bestilling på ein gensar som skal gjevast i gåve. Eg fekk velje mønster sjølv, og då fall valet på eit design av engelske Kate Davies. Ho har laga ei bok om trøyer med rundfelling; Yokes. Den kan kjøpast på Ravelry. Sidan det er Åsta som skal gi bort gåva synest eg det passa å strikke gensaren Ásta Sóllilja, men eg brukte andre fargar enn i originalen.


Eg fekk bestilling på ei gåve til, eit tøflepar som skulle tovast, og så skulle rosasløyfa, som er symbolet for kampen mot brystkreft, plasserast i solen. Eg valde å strikke tøflene einsfarga og brodere sløyfa med maskesting etterpå.






Fordi det finns så utruleg mange fine mønster på islendarar, og fordi eg er med i ei inspirerande gruppe på fb som heiter "Sticka islandstrøjor", måtte eg berre prøve ut ein gensar til, den heiter Birki, mønsteret låg gratis på nettet, og den vart stor nok til meg:)



Eg har ein annan islendar på pinnane no, så det spørst kva tid ufolandinga skjer.... litt har eg strikka der også, eg er ferdig med bolen og har så vidt begynt på fyrste ermet.... "alle monner drar," heiter det visst.


4 kommentarer:

  1. Sååå mange fine strikkeprosjekt som har landa ;) kjempe flink, og effektiv :) klem

    SvarSlett
  2. Ojj. Jammen er du produktiv. Så mye fint du har laget. Nå har jeg også tatt fram ufo. Genser til sambo her også.God sommer!
    ;-)

    SvarSlett
  3. Den ene genseren finere enn den andre! Jeg er imponert så det holder! Dattera er veldig flott i kofta si! Liker godt fargene på den Ufo-en også. Lykke til med landinga!

    Fortsatt god søndag fra Ingunn

    SvarSlett
  4. Deilig strikketøy. Jeg er imponert. Super genser... jeg elsker Islandstrikke...
    så mange herlig mønster.
    Din jakke svart med mønster er kjempeflott også. Deilig gave. Jeg hadde strikkt for
    datter min kjole... og selvsagt for meg selv jeg strikkte også.
    Spennende er fargerik genser...
    God helg deg og dine. Hilsen fra Viola

    SvarSlett