søndag 19. juli 2009

Heime igjen

Ferieturen, men ikkje ferien, er over. Vi kom heim til tradisjonell laurdagskveld, med rollebyte:
I kveld var det eldstejenta som var pizzakokk og vi kunne sette oss til dekka bord:)
No har vi fått tømt bilen for alt som hadde samla seg opp der, vaskemaskina er i gong, roa har senka seg og eg er på nett så mykje eg vil:)
Mange inntrykk og kjekke opplevingar skal sorterast saman med bileta vi har knipsa. Vi har farta vidt omkring, kilometerteljaren viser at vi har køy
rt meir enn 10000 km, i tillegg til dei 160 som vi gjekk. Etter Carcassonne var vi eit par dagar i Geneve før vi køyrde til Regensburg, ein sjarmerande tysk by som unngjekk bomberegnet frå dei allierte under 2. verdskrig.Så vart det ei lang etappe heil til sørlege Danmark, der berre sov vi, men nokre timar i København tok vi oss tid til føe vi fortsette nordover. Siste stopp på turen var Eda i Sverige, der svigerinna mi bur.
For sju år sidan kjøpte ho seg eit herleg hus med tilhøyrande stabbur.I huset som ho har fyllt opp med gamle, fine tradisjonsmøblar og husgeråd av mange slag,






er der ikkje mindre enn to store kakkelovnar.


Der har svigerinna mi det som plommen i egget, naboane er verdens mest omtenksame og ho kjenner seg skikkeleg etablert i bygda.

For oss er det fint å kunne kome dit på besøk, ho tek imot oss med opne armar og dekker koseleg bord med god mat.

Vi har vore der nesten kvar sommar sidan ho flytta inn, og to gongar har storfamilien reist bort og feira jul i det fine huset hennar. Det har vore kjekke opplevingar for store og små, med mykje liv og røre, så det har nok vore ein stor lette for svigerinna mi når vi har reist heim:)


4 kommentarer:

  1. Velkommen hjem fra ferieturen. Skjønner dere har hatt en fantastisk tur. Finnes ikke bedre måte å feriere på enn å reise rundt i Europa. Det er så utrolig mye fint å se hvis en holder seg unna motorveier og den slags.
    Ha en fortsatt fin ferie.

    SvarSlett
  2. He! Og velkommen hjem!
    Det blir nok mange inntrykk å fordøye, etter en slik tur! Men det er godt at man kan dra hvor man vil hvis man vil!
    Vi drar til Vestlandet om noen dager, men vi drar gjennom Sverige. Jeg får ikke sett Ulsteinvik denne gangen!
    Du nevnte at du har en klivia som ikke har blomstret. den blomstrer nok, men den må få noen år på baken først...

    SvarSlett
  3. Velkommen hjem etter en utrolig fin ferie som jeg gjerne skulle ha vært med på;) Litt av et sted din svigerinne har kjøpt, så spennende ut. Du får fordøye alle inntrykk, det tar vel sin tid, tenker jeg;)

    SvarSlett
  4. Velkommen heim!
    Jeg vil også til svigerinna di!
    Bra du har litt igjen av ferien... alltid godt å være litt heime også...

    Gode dager fortsatt, hilsen fra sol og sommer i nord, Nunne.

    SvarSlett