torsdag 6. august 2009

På loffen

Den som er så heldig at ein har båt, og i tillegg litt tid til overs, kan stikke avgarde slik mannen min og eg gjorde på måndagskvelden.Vi hadde berre nokre vage idéar om kvar vi ville, men var einige om at Stadten måtte kryssast. Sidan vi starta såpass seint på dag, hadde vi ikkje så mange timane på oss før det vart mørkt, men jammen var vi heldige og fann ei vakker gjestehamn på øya Silda ved Måløy, med storhavet som næraste nabo. Vi gjekk oss ein tur over øya og oppdaga for ein idyll ho er, i alle fall ein stille sommarkveld, så neste morgon måtte kamera vere med på land:)Denne dagen hadde vi eit klarare mål: Då ville vi til topps på Norges høgaste havklippe, Hornelen i Bremanger kommune. Etter litt kikking i vegkartboka som vi hadde med oss ombord, fann vi ut kvar vi måtte gå for å finne ein tursti. Plassen heiter Berle. Vi fekk lov til å legge til ved ein privat molo, og vi fekk også litt oppdatering om stien og kor lang tid turen ville ta.Hornelen stikk 860 m.o.h., vi starta på vestsida av øya på ein godt merka sti, og vi ville kome til å bruke mellom tre og fire timar ein veg. Vi gjekk i stort sett greitt terreng: Etter ei rask oppstiging, flata det ut og det var lett å gå. Deretter måtte vi forsere ei steinur, der var det ikkje så enkelt å sjå kvar stien gjekk. Etter to timars vandring sette vi oss ned og tok oss ei god matpause.
Men når vi var gode og mette og skulle fortsette mot toppen, var heile området pakka inn i tjukk, grå skodde! Ikkje verre enn at vi trygt kunne gå vidare,men kva var vitsen med å kome opp på toppen når utsikta var heilt fråverande?
Vi snudde og gjekk ned att, toppen får vente til ein annan gong med betre sikt. Det høyrer med til historia at då vi var vel nedkomne, var det ikkje så mykje som antydning til skodde nokon stad:) - men om vi vart snytte for toppopplevinga, så vi hadde vi no i alle fall hatt ein fin fjelltur.

Kursen vart sett mot Kalvåg, ei kystperle av rang! Vi var innom der i fjor og kjem nok til å ta turen dit fleire gonger. No i helga blir der mykje aktivitet, men for oss var det heilt greitt å vere der når der ikkje var så trangt og fullt over alt at ein må stille seg i kø same kva ein skal gjere.
Ei anna lita perle er Rugsund handelstad med godt bevarte bygningar som var oppsette på 1600-talet. Der la vi til siste natta før vi drog heim.På heimvegen i dag kom vi oss endeleg til Selja, ein stad vi lenge har snakka om å besøkje, det må eg skrive meir om i morgon:)

4 kommentarer:

  1. Skal si dere opplever mye fint og interessant! Flotte bilder av fin natur og koselige steder. Har båt, men i år har den nesten ikke vært brukt pga byggevirksomhet. Men tider skal komme;

    SvarSlett
  2. Det så koselig ut! Så fin natur og vakre steder. Synd med den tåka, men slik er det i naturen den er ikke bestandig samarbeidsvillig. Ha en flott dag!

    SvarSlett
  3. Så fin tur! Artig å få være med og se slik vestlandsnatur for en østlending som savner sjøen.

    PS. Fotograf er jeg ikke og iallefall ikke gartner. Men noen planter er villige og da kan jeg kose meg med dem.

    God helg.

    SvarSlett
  4. Ein flott tur og fine bilder. Har sjølv vore i området og sett den flotte naturen der ute.

    SvarSlett