søndag 31. januar 2010

Vintersøndag og Pay it forward-trekning

I nabokommunen Herøy har entusiastar og eldsjeler i vinter ferdigstilt ei lysløype som kan brukast til fotturar, og som i tillegg er heilt super til skiturar når tilhøva ligg til rette for det. Sidan vi no har hatt snø ein heil månad i trekk, har det etterkvart vorte eit "must" å prøve skia i dette flotte området.

I dag hadde eg endeleg tid til å ta turen til Leikongeidet og prøve både ski og løype. Ein strålande dag med lett, fin nysnø, -8 grader og sol.
Fullt av bilar på parkeringsplassen fortalde om populariteten til anlegget, skia kom på og eg la i veg innover i terrenget. Mange blide ansikt å sjå langs den godt preparerte løypa.
Eldstejenta mi, som har ivra slik for at eg skulle ta meg ein tur, hadde foreslått at eg kunne gå lenger enn lysanlegget, det var berre å følgje skispora etter folk som hadde gått der før meg. Eg var godt fornøgd med eigne skiferdigheiter etter å ha stått utfor opptil fleire unnarenn utan fall og følgde rådet hennar, men utanfor oppkøyrde løyper, der snøen er mykje lausare, måtte eg før eller seinare "tryne"; eit mjukt fall, utan nokon tilskodarar:)
Vel komen på beina igjen, såg eg at eine skia låg att eit par meter lenger oppe - men kvar var bindingen? Eg leita i laussnøen og fann ein bit av ei plastplate, noko meir var ikkje å sjå, ikkje før eg kikka ned på skoen min. Der hang resten av bindingen.
Slik enda eg opp som upopulær fotgjengar i skiløypa i dag.
I morgon skal G-sport få besøk av ein vanskeleg kunde som vil ha svar på kor mykje ein skibinding eigentleg skal tole.




No til Pay it forward-trekninga:
Før jul vart eg trekt ut til å motta ei gåve frå Gamleheksa, ho hadde 365 dagar på seg til å få avgarde gåva, men rask som ho er, så hadde eg ein pakke i postkassa mi rett over nyttår.


Den 11. denne månaden hadde eg mitt Pay it forward-innlegg, då sette eg fristen til kommentere til kl. 22.00 i dag, tre av dei som har kommentert skal no trekkjast ut til å føre stafettpinnen vidare. Lappar med namna til alle er bretta saman og lagt i ei skål, mannen i livet mitt kom akkurat inn, så han skal no få det ærefulle oppdraget å trekkje tre av lappane:)

Desse tre vil innan 365 dagar få ei gåve frå meg, føresett at dei er villege til å vidareføre leiken:
Sonja med bloggen Sonjas side
Anne Britt som er å finne på Kontraster
Wigdis som er eigar av Bestemors kosekrok

Eg har planen klar for kva gåva skal innehalde, og eg lovar at det skal ikkje gå eit heilt år før pakken kjem, men nokre veker vil det nok ta...

Til slutt må eg fortelje at eg tidlegare i dag var så heldig å vinne ein brodert duk i jubiléumslotteriet til Bodil i Handarbeidsgleder:)

8 kommentarer:

  1. Men hei - jeg hadde helt glemt at jeg hadde sjansen på en pakke.. så hyggelig! Føler meg ennå som en novise i bloggverdenen, så jeg er litt usikker på reglene, men får dem vel inn med teskjeer etter hvert. Takk for hyggelig kommentar på min blogg!

    SvarSlett
  2. NB! Jeg får ikke sendt mail til den oppgitte adressen.

    SvarSlett
  3. Så fine pulsvanter...jeg har fått helt dilla på det...men dessverre er jeg ikke flink til å lage de selv..trenger noen håndarbeidstimer...
    Innom og ønsker deg en fin dag!
    klem,M

    SvarSlett
  4. Havnet plutselig inn på bloggen din og du verden så mye fint..Satte meg opp som følger:) Ha en fin dag:)

    SvarSlett
  5. Jammen er du sporty som er ute på ski!
    Flotte bilder fra en sikkert nydelig tur på tross av uhellet;) Klem til deg og ha en fin dag;))

    SvarSlett
  6. Så flotte skiløyper de har.Her har det komt seg og no for vi fekk eindel snø sist veke.
    Ikkje noko særleg kjekt å dette og endå verre når utstyret blr ødelagt.
    I hytteboka vår har ei av jentene skrive om ein skitur vi hadde vore på og forteljinga vart avslutta med :MAMMA DATT,så det er fleire som er litt uheldige innimellom.

    SvarSlett
  7. Nå var jeg jammen heldig, tenk at jeg skal få pakke. Skal videreføre "leken" i mitt neste inlegg.
    Tusen takk, jeg tar kontakt.
    Klem fra Sonja

    SvarSlett
  8. Hei igjen! Får ikke sendt medinger til hotmailadresser, derfor sender jeg deg et kort, fant adressen din.

    SvarSlett