søndag 29. mars 2009

Gode å ha på tur

Eg har tenkt at eg skal lage eit blogginnlegg om FJELLET MITT frå barndommen av, så søndag tok eg med mitt nyerverva Canon Ixus 80IS og la i veg til fjells.
Eg hadde knapt parkert bilen og begynt på oppturen før det begynte å snø. Vel oppe på toppen var snøkaven så tjukk at eg knappast såg kvar eg skulle gå. Ingen vits i å ta bilete.

Men i dag titta sola fram då eg skulle ut og handle til helga. Bra!, tenkte eg, då går eg på fjellet og får tatt bilete etter at eg har handla.

Kva trur du skjedde? Før eg hadde fått varene på plass i bilen var det reine julestemninga med store snøfiller som dala mjukt til bakken!

Jaja, optimist som eg er, fann eg ut at det kan no endre seg like fort til finever igjen så her er det berre å ta turen som planlagt. Det er ikkje langt å gå når ein startar frå "baksida" av fjellet, men eg tok feil med omsyn til fineveret, det einaste eg hadde god nok sikt til å ta bilete av på toppen, var appelsina mi

Så no får bloggen handle om dei trufaste fylgjesveinane mine på tur:



















Velbrukte, ikkje særleg vasstette, men eg har vandra langt i desse, på vegar og stiar, over stokk og stein, i snart to år. Dei er gode å gå i, og med tjukke heimestrikka lestar nedi gjer det ingenting at eg blir våt på beina, det er svært sjeldan at eg frys.

Halsen fekk eg i julegåve med borneborna, varm og god er han, og eit "must" når det bles!
Eg trur eg har hatt han med på kvar einaste treningstur eg har gått sidan julafta.



















Og til sist "skjoldahua" mi med gode øyreklaffar, også den julegåve.
Det er vel ingen sak å vere ute i snø, vind eller regn når ein har så gode fylgjessveinar!

2 kommentarer:

  1. Det er ikkje alltid ting går heilt som planlagt, men om ein er kreativ nok så finn ein ut av det. Vi er vel litt vande med å ha fleire planar i hovudet på ein gong:-)
    Flotte bileter uansett:-)

    SvarSlett
  2. Så flotte bilder du tar,selv i en gråværsdag.
    Artig å få se ditt friske ansikt også,du ser like postiv ut som dine koslige innlegg.

    SvarSlett