lørdag 21. mars 2009

Strikkebesta - Skrytebesta

No klarer eg ikkje å halde meg lenger, no berre MÅ eg skrive om borneborna.
Eg er mamma til fem blåøygde, blonde, meir og mindre vaksne born, medan alle borneborna mine har vakre, brune auge og mørkt hår. Dei har namn som ikkje har særleg lange tradisjonar her i landet, fordi pappa-ane deira ikkje er norske.

Eldstemann, Luca, er snart 12 år, han er ein blid, snakkesalig og kvikk gut som stadig er på farten med skateboard, taekwondo og fotball. Han føler eit sterkt ansvar for at katten, som eig det elegante namnet Minette, skal ha det bra.



Anthony, nr. to i rekkja, fyller 11 på seinsommaren. Han er meir hekta på data enn Besta si, men har óg eit talent for fotball og taekwondo. Han snakkar ikkje så mykje som storebroren, men han er likevel ein gut med mange kompisar. For nokre veker sidan deltok han i si første konkurranse i taekwondo, der han tok seg heilt til finalen, og enda opp med ein flott sølvmedalje!

Så har eg eit bonusbarn på ti år. Ho er storesystra til Marylin, eg er så heldig at ho kallar meg Besta, sjølv om vi ikkje vart kjende med henne før ho var sju år.
Ei nydeleg, gåverik jente som er flink til alt; synge, danse, teikne og skrive. Og så bruker ho å strikke saman med Besta når ho er på besøk:) Sidan eg ikkje kjenner mamma hennar, nemner eg ikkje namnet her, og legg heller ikkje ut bilete, men ho er akkurat like herleg som resten av gjengen.

Mateo er fem år, han skal verte skulegut til hausten. Han er liten av vekst, men klarer seg godt med den lengda han har. Ein skikkeleg skøyargut som er mest oppteken av monster for tida.

Oliver er minstemann i brødreflokken, han fyller fire år til sommaren. Han har eit saueskinn som han dreg med seg over alt; til barnehagen, på bestabesøk, i bilen når han er med på butikken, i senga kvar natt. Ein retteleg koseklump er han, og veeeeldig glad i mamma si.


Marylin er veslefrøkena som bur i Oslo, vi snakkast i telefonen kvar veke, og begge gler vi oss til ho kjem på påskeferie til Besta og Bestefar på Sunnmøre.
Her har ho på seg ullkjolen som Besta kjøpte på Hasund strikk og bruk eingong i haust.


Ikkje så lett å samle heile flokken på ein gong.......



2 kommentarer:

  1. For nokre herleg sjarmtroll du er besta til. Nydelege rett og slett. Skikkeleg kjekt at du har lagt ut skrytebilete av dei. Tenk at du er så heldig at du har eit bonusbarn også. Ikkje rart at du er i skrytehumør:-)

    SvarSlett
  2. Kjempeflotte og glade barnebarn du har!!Det er veldig koselig og få være bestemor.
    Kan tenke meg Marylin ble glad for kjolene ja,og den gule skal hun vel ha til aftenkjole i påsken tenker jeg.Kanskje du er så heldig og ha noen som bor i nærheten også du?

    SvarSlett